2018-2020 chhunga Mizoram Journalist Association President thar atan Pu Zonunsanga Khiangte thlan a ni

0
1038
views

2018-2020 chhunga Mizoram Journalist Association President thar atan Pu Zonunsanga Khiangte thlan a ni. MJA hian vawiin khan Lal Thanhawla Auditorium-ah General Conference vawi 45-na an hmang a, Chawhnu lama inthlanna neihah Vice President-ah Pu R. Lalhmangaihzuala leh Treasurer-ah Pu Lalremsiama thlan an ni a. Heng mite bakah hian Executive Committee member atan mi 11 – BK Renthlei, J. Malsawmzuala Vanchhawng, H. Lalchhandama, Alfred Vanchhawng, K. Zothanpara, Chhuanvawra, Lalnunzira Chawngthu, Lalrinmawia, Joseph Lalnuntluanga, C. Lalhmachhuana leh Lalrinmawia Sailo chu chuhtu awm lova thlan tlin an ni bawk.

Conference hmanpuitu Finance Minister, Pu Lalsawta’n, chanchinbu reng reng miin an rilru hahdam lai taka an chhiar \hin avangin mi rilru kaihruaitu a ni tih a enkawltuten an hriat a ngai a ni, a ti a. Chanchinbu-a thuziak zawng zawng chu a chhiartuten awih vek lo mah se, thuziak an hmuh chuan an rilru nasa takin a kaihruai thei a, chuvangin chanchinbu mite chu mipui leh sorkar rawng an bawlna kawngah fimkhur taka thil an tih a ngai a, chanchinbua thu an chhuah tur chu thudik leh rintlak chauh a nih theih nan \an an lak a \ul tih a sawi. Pu Lalsawta chuan, Mizoram hmasawnna lungphum leh kal zelna turah chanchinbu mite tel lo chuan kal theih a ni lo tih an hriat a ngai tih sawiin, kawng hrang hranga Sorkar khalh ngiltu nih tum turin Press mite chu a chah a ni.

MJA President, Pu Vanlalrema Vantawl pawhin, chanchinbu mite tana Press Enclave siam tur chu tun sorkar kum chhung hian a lung phum hman beisei a nih thu a sawi a. Press Enclave siam tura an hmalaknaah DPR chu vet a ngaih avangin PWD hotute an ngen a, hei hi SE chin tih a ngaih avangin PWD chu thla 2 chhung zet an nghah hnuah pawh an tihhlawhtlin theih loh avangin PHE hotute an biakrawn hnuah an SE in ni khat chhungin a lehlan sak nghal tih a sawi. Pu Vanlalrema Vantawl chuan, tun hnaia Bairabi Zophai hmuna MZP in Zofate Chawlhbuk sak a tum Assam Sorkar-in a dodalnaa Mizo Journalist \henkhatin Assam Police kut an tuar chu MJA-in a ngaithiam lo hle tih a sawi a, he thil thleng hi an duh loh thu kawng hrang hranga lantir a nih thu sawiin, a tawpah chuan Press mite tan malsawmna a nih tak thu a sawi a ni. MJA President chuan, Press mite chu ram rawng an bawlna kawngah sorkar hlawhtlinna engtin nge mipui hnena an puanzar ang tih ngaihtuah fo turin a chah bawk. Conference ah hian tun hnaia an member thi mi 2 – Pu K. Lawmsanga Newslink News Editor leh Pu K. Lalthanzama Sakeibaknei Editor-te an sun a, an member zinga chawl lova kum 30 chhung chanchinbu enkawl tawh, kum 60 chunglam mi 3 – Pu DR. Zirliana Mizo Aw, Pu V. Lallianzuala Lairam Lawngtlai leh Pu K. Thangvela Zobawm Tuipang hnenah Prominent Journalist nihna an hlan a ni. General Secretary Report a\anga a lan danin, Mizoram pumah MJA member 194 an awm mek a. Chungte chu Aizawl District-ah 94, Champhaiah 15, Kolasib-ah 14, Lawngtlaiah 9, Lungleiah 26, Mamit, Serchhip District-ah 12 \heuh an awm a ni.