Ambulance tih khaw tlai vangin mi pakhat thi

0
843
views

Haryana Fatehabad-a BJP Councillor, Darshan Nagpal chu ambulance tikhawtlai-a puh a nih vangin a lakah thubuai thehluh a ni. Nagpal hi Inrinni tlai khan a motor chu ambulance in a sut vangin ambulance hi umzui-in, a tlan khalh a, kalkawng dalin a lo tiding tih thubuai-ah hian ziah a ni a, darkar chanve vel ambulance a tihkhawtlai vang hian an damlo phurh, Naveen Soni chuan a thih phah niin a inziak bawk. He thubuai thehluttu, Naveen Soni-a chhungte chuan Nagpal hian ambulance khalhtu hnen atang hian zangnadawmna a phut niin an sawi a, damdawi in an thlen chuan doctorte’n minute 15 vela an tlai thu an lo hrilh niin an sawi bawk a ni. Nagpal erawh chuan an puhna te hi dawt niin a sawi thung a, ambulance hi a zui ngei thu leh a khalhtu a biak hma hian damdawi in thlengin a kal tir zawk thu a sawi a ni.