Fakselna (7th August, 2017)

0
542
views

Tap chungin tawngtai zel la, aw inren suh Mizoram tan. Theih tawp chhuahin kan ram leh hnam tan ding tlat la, nghet taka dingin ram leh hnam siamtha turin pen chhuak la, engkim tithei Lal Isua dah pawimawh ber la, ram leh hnam i siam tha ngei ang.
Valpuia Bawitlung Chawngtui East
85758*****
—————–

Pu HC Vanlalruata’n Home 2 tih thupui hmanga a thuziak hi a va tha em! He thuziak hi sorkar leh Kohhrante hian chhiar in zawm ve thei nghal se la chuan ruih hlo dona kawngah chuan kan ziaawm phah ngeiin ka ring. Central YMA hian tha thlah lovin tang ta bawk se la. Pu Ruat, i thu ziah hi a tha thei si a, nang pawh tha thlah lovin rawn ziak zel rawh, ziak zel thei tura hriselna tha nei turin duhsakna ka hlan a che.
VANGLAINI CHANCHINBU chhiar thintu, LTPA, RVT
80140*****
——————-

Kan ram, kan hnam dam leh theihna tur chuan MNF leh Congress a sawrkar loh hi a ni. Chuvangin Party hran din hian awmzia pakhat mah a nei lo, Policy tha tak tak pawh duang chhuak teuh mah ila mipui kan beidawn tawh avangin a Policy-ah hian kan buai lem lo niin ka hria chuvangin tuna PRISM ho te leh Party tenau hrang hrang hote hian pawlthar din buai lovin ZNP Party hi zawm mai rawh u. Chutiang a nih loh chuan tuna kan nin em em Party pahnihte ai mah hian mi nin leh rin loh in hlawh zawk ang.
Hlutei leh zualbawhi Pu
98565*****
—————-

Vanglaini ni 6 & 7 Chanchinbu a ‘Ruihhlo do kawngah CYMA a beidawng’ ti ziaktu kha i ziak tha khawp mai. Mahse, sum leh pai sen chungchang-ah Synod leh Kohhran i phut kha a dik tho laiin, heng zawng zawnga mawhphurhna la tur chu sorkar a ni. Meeting pawh kha CM Chairman na hnuaia neih tur zawk a ni. A nihna takah chuan sorkar Dept. Social Welfare changtu Minister enkawlna hnuaiah YMA leh Kohhrante phungbawma sawmin hma an la tur zawk a ni.
Sawrkar kalphung hi a sawrkarna suamtute pawhin an hre fuh lo a,mipui pawh chuti bawk,hahthlak e mai.
Mary Pu Tualcheng
94367*****
—————–

August thla ration buhfai zet chu khaw dangah hian a chhe ve em le? Rei>k khaw lam chuan kan dawng chhe hle mai. Ar pekah pawh a sitawm rum rum mai a lawm le!!
97748*****
——————

Pu RRR-A leh Pu Manzuala inchapchar chungchangah khan ka hmuh dan mawlte kan thawh ve lawk ang, an pahnih inkar hrim hrimah khan thiam zawk leh zawk lo han sawi tur ka hre lo. Pu RRR-A ai chuan a awl tirtu sawrkar aiawhte thu zawk se mipui lam chuan ngaihdan kan nei zawk in ka ring. Sawrkar in football lam a Promote duh hrim hrim a nih chuan NECS atanga chhiah a pek tur kha sawrkarah chhung lutin sawrkar lam khan Aizawl FC chu pe ta mai se inhnial buaina hi a awm lo tur. Tin, Football chauh lo-ah pawh Mizoram tihming tha-tu tam tak an lo awm tawh, an la awm zel bawkin ka ring, chungte nena khai rual takin ti se Public Interest-ah chuan a puan ngam chauhin ka ring.
A-duati pa
98624*****
—————-

Duhthu in sam leh teh ang. MEV an ti nge Pu K. Sapdanga-te PRISM lam te hi han inzawm ta se. Party sorkar ni lo. Mipui sorkar tha, a thu ringawt a eiru hrem lo a tak tak ei ru hrem ngam a ngaihna hria hian. Nakum Election ah hian thlan tur rawn invawrh chhuak ula kan va duh ve. Tuna in tum danah hi chuan Pu Hawla’n kan tan chance min siam a ni mai, kan sorkar leh dawn a tih hi a dik tawk vel ka ring ve tlat.
Thlirtua
89742*****
—————