Abu Salem-a’n nupui pahnihna nei tura Jail atanga chhuah lailawk a dilna hnawl a ni

0
289
views

Kum 1993 Mumbai beihna-a mawhphurtu thiam loh chantir tawh Abu Salem-a’n nupui pahnihna nei tura Jail a\anga chhuah lailawk a dilna chu Navi Mumbai Commissioner in a hnawl. Kum 48 mi Abu Salem hian Sayed Bahar Kausar nen innei turin ni 45 chhung Parole-a chhuah a dil a ni.
Abu Salem hi Mumbai Taloja Jail ah tan tir mek a ni a, kum 1993-a Mumbai beihna, mi 257 in an thih phahna leh mi 700 chuangin hliam an tawrhna thubuaiah thiam loh chantir a ni a, Special Terrorist and Disruptive Activity TADA Court in nikum lam khan dam chhung t^ng turin a chungthu a lo r>l sak tawh a ni. Kum 1993 March ni 12 khan Mumbai khawpui chhung hmun hrang hrangah hun inhnaih te te-in bomb 13 tih puah a ni a, bomb-a beih te zingah hian Air India Building te, Bombay Stock Exchange te, Zaveri Bazar te, Hotel SeaRock leh Hotel Juhu Centaur te a tel a, cheng vbc 27 man hu zet thil hlu tih chhiat a ni bawk. Abu Salem hi he bomb tihpuah anih theih dan tur ngaihtuahtu bera puh a ni a, bomb tihpuah turte hi Gujarat a\anga Mumbaia laluttu-a puh a ni a, kum 2002 khan Portugal a\anga man a ni.