Mizoram leh Assam inri-naa Inner Line Reserved Forest square mile 509 huam chhunga dan phal loha thil tih chi hrang hrang endik chhunzawm dan tur chungchangah Assam leh Mizoram ngaihdan inanglo, thutlukna mumal siam theih la ni lo

0
580
views

Mizoram leh Assam inri-naa Inner Line Reserved Forest square mile 509 huam chhunga dan phal loha thil tih chi hrang hrang endik chhunzawm dan tur Union Home Ministry-a Joint Secretary, Pu Satyandra Garg-a hova vawiina Silchar Airport-a sawihonaah Mizoram leh Assam ngaihdan a inan loh avangin thutlukna mumal siam theih a ni lo. Hmalak chhunzawm dan tur chungchang sawihonaa kal ZONET Palai, Joseph Lalnuntluanga hnen a\anga thudawn danin Mizoram lam chuan Mizoram ramria an pawm chu kum 1875-a ramri a ni tih an sawi a, Assam lam erawh chuan tuna Mizoram map Survey of India-in a neih anga enfiah leh Inner Line Reserved Forest Area-a dan phal loha thil tih pawh hemi anga enfiah te, Mizoram chhunga an ngaih chin leh Assam ram chhunga an ngaih chinah a zau zawng inanga thil awmdan enfiah an duh thu an sawi a, hetihlai hian Joint Secretary Home, Pu Satyandra Garg-a chuan Inner Line Reserved Forest Area sq. mile 509-a zau chin chu Survey of India-in enfiah fel hmasa phawt se tih a rawt a, a rawtna hi Mizoram sorkara thuneitu sang zawkten sawiho se, karleh Thawhlehni-ah an thutlukna siam chu amah hrilh turin a chah a ni. He meeting-ah hian Mizoram team chu Environment, Forest & Climate Change Department-a Conservator of Forests, Pu Lalthlamuana Pachuau-in a hova, Assam lam pawh Conservator of Forests, Pu Binay Gupta-a’n a hova, Mizoram team-ah hian 1st IR Battalion Commandant, Pu HL Thangzuala, Kawrthah DFO, Pu Lalduhthlana leh Kolasib DC Office-a Officer pawimawhte an tel a ni.