A kharna inkhawm nizana Aizawl Vanapa Hall-a neih chu Tourism Minister, Pu Rober Romawia Royte-in a hmanpui a, tun hmain Music infrastructure lamah hmalakna a la awm mumal lo chu sorkar-in pawi a ti a, Music Industry leh Music Tourism hmasawnna turin theihtawp chhuah a ni dawn a ni, a ti. Pu Robert Romawia Royte chuan, Musician leh zaithiamte hman tur musical instruments leh Music Centre liantham thlenga din a tum a ni tih sawiin, Music Tourism chu Zoram a \ha zawnga Mizoram pholanna leh Tourism tih hmasawnna \ha tak a nih theih dawn avangin lian tham taka hmalak tum a ni a, Krismas hun remchang behchhanin World Krismas Concert te pawh huaihawt chhoh zel tum a ni, a ti. Seki Inter Village Band Contest hi tun thla ni 5 a\ang khan \an a ni a, hetah hian Open Category-ah Band 16 leh Under 19-ah Band 12 an tel a. Heng Category 2-ah hian a ti\ha ber pakhat thlan chhuah a ni a, hemi bakah hian a Part hrang hrangah mimal ti\hate hnenah lawmmawn hlan a ni bawk.
