Aizawl District Agriculture Officer Pisa tuala semna inkhawmah hian Aizawl DAO, Pu Lalsanglura Sailo chuan, kut hnathawktute chu ei leh bara mipui chawmtu an nih vangin sorkar-in a ngai pawimawh a, SEDP hnuaiah pawh Vaimim chi Quibtal 35 vel sem a lo ni tawh tih a sawi a. Covid 19 hri len hnuah lo neih tum lo pawhin an tum thar leh avangin buh chi an mamawh thar leh a, Dept.-in lei tur a zawng nghal a, a chi atana hman tlak a van deuh tawh avangin hun engemaw chen an zawn hnuah an hmu thei ta tih a sawi. Buh chi hi tin 104 leh Vaimim chi quintal 50 sem chhuah a ni a, Pu Lalsanglura Sailo chuan, Vaimim ching turte chu fall armyworm laka an thlai a him theihna tura fimkhur tur leh, pangangin an vaimim a lo bei a nih chuan Dept. hotute hriattir nghal turin a chah a ni.
