Agriculture Department-in buh phunna khawl a lei thar chu vawiin khan Kolasib-a Chemphai zau-ah enchhin a ni.

0
309
views

Khawl enchhinna hi Agriculture Director (Crop Husbandary), Pu Rohmingthanga Colney-in a hmanpui a, lo neitute thlai tharchhuah tipung tura tanlaknaah khawl hmanga awlsam leh hlawk zawka hna thawh a nih theih nan tanlak mek a ni tih Agriculture Director chuan a sawi. Mizorama leilet neitu, a bikin Kolasib leh Mamit District-ah Leilet enkawl turin hnam dang chhawr thin a ni a, an duh ang angin leilet an enkawl a, a hlawkna tam zawk pawh an kuta a luh thin avangin hei hi titawp tura tanlak mek a ni, a ti.

Custom Hiring Centre kaltlangin loneituten man tlawm zawkin leilehna hmanrua an hmang hawh thei tawh a, buh phunna khawl hi Sub Mission on Agriculture Mechanization hnuai-ah Department chuan leilet neituten Subsidy-a an lei theih turin an chhawp chhuak a ni. Khawl enchhinna pual inkhawm tawi hi Kolasib DAO, Pu J. Rothanga’n a kaihruai a. Agriculture Director hian Thingdawl Agriculture Farm pawh a tlawh nghal a, Vaimim chinna hmun leh a rah pho rona tur hmun a enfiah bakah, State Biological control Laboratory tih chantlun mek a endik bawk.