Nimina New Delhi-a an inkawmnaah hian Pu C. Lalrinsanga chuan, Mizoram mamawh hrang hrang bakah a Department enkawl tana chak zawka hmalak a nih theih dan tur a sawipui a, Dr. Inderjit Singh hian Agriculture chu department pawimawh anih avangin kawm awm thei ang anga puih a inhuam thu leh Ministry dangah pawh puih a inhuam thu a lo hrilh a ni.
DONER Secretary chuan, Agriculture leh Irrigation and Water Resources Deptt hnuaia CSS hmanga hna hrang hrang thawh mekte bakah hmalak mekna scheme-in a huam loh Mizoram tana project pawimawh ni bawk siah te chuan heng scheme piah lama hmalak pui a tum thu Agriculture Minister hi a lo hrilh bawk.
DoNER Secretary nen an inkawmnaah hian Pu C. Lalrinsanga hi Agriculture (R&E) Director, Dr. H. Saithantluanga leh Subject Matter Specialist (Research), Pu Lalhmingmuana’n an \awiawm a ni. Puan tawh angin tun hnaia Germany-a International Federation of Organic Agriculture Movements buatsaih Organic farming chungchang zir honaah Agriculture Minister Pu C Lalrinsanga leh Dept. hotute \henkhat an tel a, nimin khan New Delhi lo thlengin, DoNER Secretary hi an kawm nghal a ni.
