Nimina West Phaileng MZP-in an khuaa zirlai Pass tharte an lawmpuina a hmanpuinaah Pu C. Lalrinsanga chuan, tun dinhmunah Mizoram chu buh, tel, dal, purun leh thil dang dangah ala intodelh rih lova, hei hi thil pawi tak a nih avangin Mizoram hmangaihtu tan chuan intodelh tura \anlak chu thil tih mahmawk a ni, a ti a. Ei leh bara Mizoram ala intodelh rih lo chuan thuk takin Mizoram sum leh pai dinhmun a nghawng a, phai lam a\anga bungraw lakluh a ngaih avangin Mizoram sum tam tak a luang ral a, hei ringawt pawh hi manganpui tham a nih avangin Sorkar chuan ei leh bara Intodelh tura \anlak a tum ruh hle a ni, a ti.
Agriculture Minister chuan, tunah hian tel hmanga Mizoram a intodelh theih nan hnathawh \an mek a nih thu leh tel sawr chhuah theihna chhawhchhi chikhat Chhitak an tih chu ching pung turin \anlak mek a nih thu a sawi a. Hei hi tela intodelh theihna tur a nih piah lamah a hrisel a. Mithiamte phei chuan Cancer natna thlengin a veng thei nia an sawi avangin sorkar chuan a ngai pawimawh a, hemi kawngah hian zau zawka \anlak zel tum a ni, a ti. Nimina Agriculture Minister, Pu C. Lalrinsanga’n West Phaileng a tlawhnaah hian an Department hmalakna hrang hranga mipuiten zawhna leh hriatthiam loh lai an neihte chu Agriculture Director, Pu Rohmingthanga Colney nen an hrilhfiah a, West Phaileng tlak lam rama chhungkaw 40 vel chawm zo tur leilet siam theihna hmun awmte a enfiah nghal bawk.
