Zawlpui khuaa kuthnathawktute nen an inkawmnaah Minister chuan, Zawlpui chu Lunglei District chhunga nul hmun \ha leh thlai dang chinna hmun \ha a nih angin thlaia intodelhna tura hmalakna tlak a ni tih sawiin, helai hmuna Serthlum chingtute chu Drip irrigation hmanga tui pek vek tum an ni tih a sawi. Pu C. Lalrinsanga chuan, kuthnathawktute chu uar zawka fu ching turin a chah a, Chini a intodelh tura sorkar nen hmalak a nih tur thu sawiin, mipui ei tam ber pawl Alu, Purun leh Dailuah-ah te Mizoram tharchhuah hmang ngeia intodelh turin hm lak a nih tur thu a sawi bawk. He inkawm hona hi Lunglei DAO, Pu Tlangtimawia Zote-in a kaihruai a. Minister hian kum 2017 June ni 12-a tui lianin Zawlpui khuate thlai phurchhuahna, Kau Suspension Bridge a tih chhiat chu en nghalin a rang thei ang bera siam \hat a nih tur thu a sawi a ni.
