AH & Vety Department hotuten thenawm State-a Vawk natna, African Swine Fever leng mekin Mizoram a lo la lut lo nia an hriat thu an sawi a, Mizoram a him theihna turin theihtawp chhuah a tul tih an sawi.

0
20
views

Vety hotute chuan, thenawm state Assam leh Arunachal Pradesh-ah African Swine Fever hi a leng mek tih an sawi a, he natna laka inveng turin khawvelah Vaccine ala awm lova, a enkawl kawngah engemawchen tih theih awm mah se, a tih damna damdawi chiang tak sawi tur ala awm loh avangin he natna-in a man Vawk te chu thi ngei ngei tura ngaih an ni an ti. African Swine Fever hi thenawm ram, Myanmar lamah pawh nikum kumtawp lam khan a leng tawh a, vawk natna leng mek hian Mizoram a lo luh loh nan State dang leh ram dang atanga vawk lakluh khapna khauh taka kalpui mek a ni tih Dept hotute chuan an sawi.

He natna hi Vawk, vawk sa leh vawk sa atanga chawhmeh siam, Sousage atangtea inkaichhawn theih a nih avangin fimkhur a ngai hle tih Dept-a mithiamte chuan an sawi a. Mizoram a lo luh lohna turin State pawn leh Ram dang atanga Vawk lakluh khapna thupek dinglai mipuiten tha taka an zawm a ngai a ni an ti.

African Swine Fever hian Mizoram a lo thlen thluha hmala turin District tinah Rapid Response Team din a ni a, a khaikhawm turin Aizawlah Committee sang din a ni bawk a, Vawk damlo emaw harsatna eng emaw neite chu Department-in biak pawh theihna tura a siam, Animal Disease Outbreak Helpline number 0839 – 2336441-ah be pawp turin mithiamte chuan an ngen a ni. Vety Dept hotute sawi danin, African Swine Fever vei Vawkte chu an khawsik a sang a, an taksa nem laiah rawng danglam a lo awm a, an kua a that loh bakah harsatna dangin a tlakbuak zui thin a ni.