Animal Husbandry & Veterinary Department a thawktute kumthar inhlantharna neih a hmanpuinaah thu sawiin Dr K Beichhua chuan, mahni hna thiam taka thawk theite chu khawi hmunah pawh an hnaah an tui a, hna thiam lote erawh chuan phunnawina an zawng thin a ni a ti a, duhdah taka thawkten malsawmna an dawng ngai lo tih sawiin, awmna hmun leh theihna azira inherremthiam turin thawktute a chah a ni. Dr K Beichhua chuan, Mizoram chu Artui leh sa-a a intodelh theih nan theihtawpa \an lak a nih tur thu a sawi.
AH & Veterinary Department hi, kum 1974 khan Agriculture Department a\angin a indang a, tun dinhmunah thawktu 902 an awm a ni. Inkhawm hi he Deptt. Director Dr. Hmarkunga’n a kaihruai a, Rev.C Lalsangliana’n Pathian thuchah tawi sawiin thawktute tan a \awng\ai a ni.
