AH&Vety Minister-in Thenzawla AH&Vety Farm a tlawh

0
729
views

AH&Vety Minister, Pu C. Ngunlianchunga chuan vawiin World Veterinary Day khan Thenzawla AH&Vety Farm a tlawh a, Farm tih changtlunna atana hnathawh mek te a enfiah. Thenzawla a awm chhungin Minister hian NEDP sum hmanga se vulhna tur hmun leh RIDF leh NABARD sum hmanga kel vulhna tur, inthlahpun tirna tur ni nghal pawh a tlawh a, se vulhna turah hian se chi \ha laa inthlahpun tir a ni ang a, NEDP hnuaia Thenzawl leh a chhehvela Eco Tourism neihna tur tihpuitlin a nih huna intihhlimna hmun Amusement Park tur tihchangtlun dan tur te a en a ni. Thenzawl Farm-ah hian tunah sakawr te leh lian chi 13 dah a ni tawh a, Thenzawla Vety Farm-ah hian dil siam a ni a, lawngleng engine nei pahnih dah a ni tawh bawk. Minister hian he Farm-a kel vulhna leh a chi \ha inthlahpun tirna tur pawh a tlawh a, hetah hian kel chi \ha leh lian chi inthlahpun tir a ni ang. Minister zin hian Chamring leh Sialsuk inkara kawngkawi ulh lai, motor tam tak chetsualna leh nunna tam tak channa hmuna Disaster Management & Rehabilitation sum hmanga kawngkawi zim lai laih zauh hna thawh zawh tak chu a hmunah a en nghal a ni. Minister hi DM&R Director leh AH&Vety Deptt. officer ten an \awiawm a ni.