Mizorama cham mek, Indian Air Force, Eastern Command-a Air Officer Commanding in Chief, Air Marshall Anil Khosla-a’n vawiin khan CM, Pu Lal Thanhawla kawmin, ram ven himna kawnga thil pawimawh hrang hrang an sawi dun a, CM chuan, Mizoram chu ramri hrula awm a nih avangin ram \henawmte laka invenna ngaih pawimawh a \ul thu, Air Marshall Anil Khosla chu hrilhin, ram hruaitu lute leh sipai hotute pawhin an rawn tlawh fo a \ul thu a sawi. Hei bakah hian hruaitu pahnihte chuan \umhmun siam belh chungchang leh Radar bun tur chungchang pawh an sawi dun a ni.
Vawiin vek khan ICFAI Chancellor thar, Prof. J.P. Ramappa chuan CM, Pu Lal Thanhawla kawmin, Mizoram sorkar thlawpna in ICFAI-in hma a sawn zel a beisei thu leh an hmachhawpte a hrilh a, Pu Lal Thanhawla pawhin ICFAI mamawh leh harsatna te chu sorkarin a theih chinah a lo enfiah zui tur thu a lo hrilh nia thu dawn a ni.
