Aizawl-ah Kissan Kalyan Karyashala zirhona nei

0
345
views

Vawiin khan sorkar laipui scheme Gram Swaraj Abhiyan hnuaia thingtlang khaw inrelbawlna tih chakna tur leh loneitute dinhmun chawikanna tur, Kissan Kalyan Karyashala zirhona DAO Conference Hall, Aizawl-ah neih a ni. Zirhona hmanpuitu Lok Sabha MP Pu CL Ruala chuan kum 2022-ah chuan loneitute thawh chhuah a leta a pun theihna turin sorkar laipuiin hma a la a, mi thiam ten ram leilung bakah sik leh sa dinhmun zir chianga thlai chin tur loneitute an kawhhmuh a pawimawh a ni a ti a. Thlai chi \ha zawk, a hun taka loneituten an hmuh theihna tura hmalak chu thil pawimawh hmasa a ni tih hre turin loneitute tana thawktu department hrang hrang te chu a chah a ni. Prime Minister Narendra Modi ruahman angin sorkar laipuia Ministry of Agriculture & Farmers Welfare chuan kum 2022-ah chuan loneitute thawhchhuah a leta tihpun tumin hma a la mek a. He hmalakna hnuaiah hian loneituten thlai chawmna tur tui hnianghnara an hmuh theihna tur te, thlai thar chhuah dahthatna tur warehouse leh a vawn thatna cold chain tam zawk bun tur te, thlai thar chhuahte sawngbawlna lam ti changtlung turte-a hmalak mek a ni a, he ruahmanna hian ar vulh leh khuai khawi tih hmasawn te pawh a huamtel a ni. Mizoramah pawh Agriculture, AH&Vety, Horticulture, Fisheries, Sericulture, Land Resource/Soil & Water Conservation Department leh KVK ten he hmalakna tihhlawhtling tur hian hna an thawk mek a ni.