Aizawl Bethlehem veng leh Assam Rifles ram inrina laiah Basket Ball Court siam theih a ni em tih Sports Minister Pu Robert Romawia Royte leh Assam Rifles hotuten tukin khan an en ho.

0
367
views

Minister chuan Bethlehem Veng chhungah Infiamna hmun hma a awm loh avangin Assam Rifles te nena inrihna lai chu hman tangkai a duh thu Assam Rifles hotute hi a hrilh a, Assam Rifle Commandant Viplav Tripathy-a chuan Lammual ramri chungchang chu thuneitu sang zawk te nen sawi ho a ngaih thu a sawi. Armed venga 1st Battalion MAP ground tih zauh dan tur leh phullem phah hna thawh dan tur te, Chite veng football ground-a phullem phaha Hostel thar sak dan tur te leh Chhinga venga Govt. KVM High School Basket Ball Court siam that dan tur te pawh Social Rehabilitaion Board Vice Chairman Pu. K. Liantlinga, Sport Council Secretary leh Engineers te nen an enho a ni.