Aizawl Chanmari Branch YMA-in nizana YMA Day an hman chu Mizoram Youth Commission Chairman, Pu Joseph Lalhimpuia’n a hmanpui. |hangthar zinga pasal\hate chu sakaptheite ni tawh lovin theihtawp chhuaha lehkha zir \hin te, kohhran leh khawtlanga mi dangte tana \angkai thin te, an thiamna leh thawhrimna hmanga dinhmun \ha an chan pawha mi dangte tana malsawmna ni thei \hinte an ni zawk tawh niin a sawi a, \halaite chuan an awmhmun a\angin Internet hmangin thil \ha ber ber an hmuh theih tawh avangin dingchhuak tura hun \ha an nghahna chu an chhawr \angkai thiam a \ul tih a sawi a ni. He inkhawm hi Chanmari Branch YMA President, Pu Lalhmangaiha’n a kaihruai a, an veng chhunga zirna lama mi hlawhtling leh football-a hlawhtlingte an chawimawi a, HSLC & HSSLC pass tharte hnenah lawmpuina an hlan bawk. Kumin hian Chanmari Branch YMA-in an kum 60 tlinna Diamond Jubilee an lawm dawn a, hemi pual hian Inter Branch Beat Contest buatsaih mek niin, Jubilee puala T-Shirt an siam chu MYC Chairman, Pu Joseph Lalhimpuia’n a tlangzarh a ni.
