Aizawl City Bus Owners’ Association-in General Assembly vawi 45-na Transport Minister, Pu John Rotluangliana’n a hmanpui

0
553
views

Aizawl City Bus Owners’ Association-in vawiina Kulikawn YMA Hall-a General Assembly vawi 45-na an hman chu Transport Minister, Pu John Rotluangliana’n a hmanpui a. City Bus enkawltute chu mi harsa awmkhawm ni lovin, eizawnna atana lirthei neite an nih hlawm avangin an ngaihtuahna pawh ram leh hnam thleng pha ni se a duh thu a sawi a, mipui tana thawktu an nih angin Bus chuan man lak chungchangah pawh mipui sum dinhmun ngaichang thiam turin a chah. Pu John Rotluangliana chuan, eng kawngah pawh Sorkar-in engting nge min tihsak ang tih ringawt ngaihtuah lova, Sorkar tan enge ka tih ve theih tih mipuiten an ngaihtuah a hun tawh tih sawiin, Sorkar-in thutlukna a siam reng rengin tute emaw harsatna siam chu a tum a ni lova, Sorkar thutlukna reng reng mipui tam zawkin an chhawr \angkai theih dan tur ngai pawimawh chunga siam \hin a ni a ti. Transport Minister chuan, khawpui chhunga tlan City Bus-te chu kum 15 a tlin hnuah pawh MVI-in la Service tlaka an ngai a nih chuan an tlan chhunzawm zel Sorkar chuan a remti tih a sawi a. ACBOA-in City Bus tlan theih chhung bituk kum 15 a\anga kum 20 thleng pawhsei an rawtna chu Chief Minister a sawipui tawh thu leh hemi chungchangah hian Mizoram Sorkar-in Central Vehicel Act a hman avangin Sorkar laipui Bus tlan theih hun hi kum 20-a a pawtsei a nih chuan Mizoramah pawh pawhsei ve a nih tur thu a sawi. ACBOA inkhawmpui hi an pawl President, Pu Malsawmtluanga’n a kaihruai a, chawhnu lamah an pawl hruaitu thar tur an thlan bakah an pawl kal zel dan tur ro an rel a. General Secretary report a\anga a lan danin tunah hian Aizawl khawpui chhungah ACBOA enkawl City Bus 262 a tlan mek a ni.