Aizawl City Local Council Association hotute thukhawm

0
339
views

Aizawl City Local Council Association hotute chu vawiin khan Babutlanga Zarkawt Recreation Hall-ah an \hukhawm a, mipa lumeh man chu cheng 50 aia to lo ni se an ti. Lumettu inzawmkhawmin mipa lumeh man cheng 70 ni se an tih chu to deuha an hriat thu leh tuna kalphung pangngai angin lumeh man hi cheng 50 ni se an ti a, hei hi zawm a nih ngei theih nan Aizawl khawpui chhunga Local Council tinte chu an huam chhung \heuhah he thupek hi zawm a nih theih nan hma la turin an hriattir a ni. Hei bakah hian nikum November thlaa Consumer Union leh Aizawl City Vawksa Zuar Association-in inremna an lo siam tawh angin Vawksa pawh KG 1 cheng 280 a hralh ni se an ti a, Rate bituk aia tova sa zuar lo turin mitin an ngen bakah Local Council tinte chu an huam chhungah puangzar tur leh khauh taka kengkawh turin an hriattir a ni. Tunhnaia Mistiri Association-in ni khat hlawh a tihsan chungchang pawh ngaihtuahin Mistiri hian ni khatah cheng 700 leh helper-in cheng 350 hlawh se, hei aia tam an inchhiar loh nan Local Council tinte chu an huam chhung \heuhah chak takin hma la se an ti bawk. Vawiina Aizawl City Local Council Association \hukhawm hi an President, Pu R. Lalchhuanawma’n a kaihruai a, Aizawl khawpui chhungah hian Local Council 83 a awm a ni.