Aizawl Civil Hospital Medical Superintendent-in Aizawl Civil Hospital chu hri leng inkaidarhna hmun hlauhawm ber pakhat a nih theih thu leh mipuite fimkhur tura ngenna a siam chuan inthlahdul theih a la nih lohzia a tichiang hleah an ngai tih MPC thalai-in an sawi a. Khua a tlai hma a inkharkhipna chungchangah hma thar la vat turin Mizoram sorkar an phut.

0
55
views

Damlote tan Aizawl Civil Hospital-a inentirna kawng a ping zel chu hriatthiam har an tih thu MPC thalaite hian an sawi a. Inkharkhip khauh zawk kalpui a nih loh rau rau chuan tuna inentir theih chin bituk siam chu khawsak harsa zawk tan harsatna thlentu a nih theih avangin rualkhai zawkin damlote tana inentir theihna kawng hawn tul an tih thu an sawi.

Sorkar chu damlo inentir mamawh ngawih ngawihte hrêk zawnga kal lovin inentir tura kalte an tam emaw an tlem emaw, uluk zawka inkaihhruaina leh invenna lama hma la zawk turin MPC thalai hian an phut a. Inentir thei tur chin bithliah siam chu a rang thei ang bera sût turin Siorkar an ngen a ni.