Aizawl District Development & Monitoring Committee thu khawm

0
779
views

Aizawl District Development & Monitoring Committee chu an Chairman, Lok Sabha member, Pu CL Ruala hovin New Secretariat Conference Hall-ah vawiin khan an \hu khawm a. Kumin April leh September thla inkara hnathawhte leh hmabak la awmte an sawiho a ni. He \hutkhawmah hian Aizawl DRDA hnuaiah MGNREGA Job Card nei 28,352 an awm thu te, hna thawh tura ruahman zaa 61 thawh zawh a nih tawh thu te, Pradhan Mantri Awas Yojana – Gramin hmangin chenna in 121 sak sak an nih tawh thu te, hemi atan cheng nuai 69.95 hman ral a nih thu te, Prime Minister Krishi Sinchayee Yojna (Watershed Development Component) a project hrang hrang thawh nan cheng nuai 429.97 hman ral a nih thu te, PHE Department-in Swachh Bharat Mission hnuaiah Aibawk, Darlawng, Phullen, Thingsulthliah leh Tlangnuamah Sanitary Complex 18 a sak thu leh hemi atan hian cheng nuai 155.11 hman a nih thute tarlan a ni a, Power & Electricity Department pawhin Deen Dayal Upadhyaya Gram Jyoti Yojana hmangin Aibawk, Phullen leh Thingsulthliah Block huam chhunga khaw pangaah eng an pek thu leh BPL chhungkaw 67 hnenah eng pek an ni a, UD&PA-in Swachh Bharat Mission hnuaiah mimal ek in 1,440 leh vantlang inthiarna 8 an siam a, hemi atan hian cheng nuai 789.20 hman ral a nih thu leh khaw 11 chu pawna inthiar awm lohna a puan a nih tawh thu te, Pradhan Mantri Awas Yojana- Urban hnuaiah in sak \anpuina, mi 300 pek an nih tawh thu te, Sarva Shiksha Abhiyan hnuaiah Primary School zirlai 13,937 leh Middle School zirlai 10,078, zirlaibu, a thlawna sem an nih thu te, zirlai 21,609 tan a thlawna uniform sem te, Primary School 282 leh Middle School 236 ah a thlawna chaw chhun sem a nih bakah choka 16 sak thar a nih thu leh nau piang 630 zinga pakhat a thih thu pawh tarlan a ni bawk. He \hut khawmah hian Rajya Sabha member, Pu Ronald Sapa Tlau, Aizawl District-a MLA-te leh mi pawimawh dangte an tel a ni.