Building hi a chhuat, ban leh tlak dal siam te a khi a, hmun \henkhai lai chu Iron rod an hman te pawh a lang a, chhuat \henkhat pawp lai te awmin kal zawnga nghawr deuh thei lai te a awm a ni.
Minister chuan, mithiam ten an endika a him lo an tih hnuah chuan hman zui zel Sorkar tan ngam chi a nih loh thu a sawi a, sorkarin building sak \hat a tum a, building behchhana eizawngte pawh sak zawh hunah insuan luh tir leh chu thil harsa a nih a rin loh thu a sawi a, bazara \hu te chu Building a him loh thu hrilh-a insuan chhuak tura hriattir nawn leh turin department hotute a hrilh a ni.
Bazar main Building hi kum 2015 June ni 8 khan Aizawl District Disaster Management Authority ten an endik hnuah a him tawk lo tih department an hriattir a, hemi kum vek hian he building a inzuar zawng zawngte chu an sa himna atan chhuak tura hriattir an lo ni tawh a, kum 2017 khan hriattir nawn leh an ni tawh bawk. He buildingah hian nitina thil zuar mi 1073 an awm a ni.
