Aizawl District Football Association General Body Meeting chu vawiin khan Chaltlang Tourist Lodge-ah an President, Pu Robert Romawia Royte kaihhruaia neih a ni a, hetah hian an pawl hmachhawp bawhzui dan tur sawiho a nih bakah an pawl hmasawn dan thlirlet a ni. He inkhawm hmanpuitu Home Minister, Pu R. Lalzirliana chuan thusawiin, infiamna chu \halaite tan insawizawina a nih bakah a thiam tan eizawnna tling a ni tih sawiin, ruihtheihthil laka \halaite humhimtu niin a sawi a, sorkarin \halaite tan infiamna tur khelmual \ha tak tak a siamsak thu te, naupan lai a\anga infiamnaa an tuina zir theihna tur grassroot level training sorkarin a pek thu a sawi bawk. Aizawl District Football Association hnuaiah hian tun dinhmunah 1st, 2nd leh 3rd Divsion-ah te football tournament buatsaih \hin a ni a, hemi bakah hian Aizawl District chu Zone 7-ah \henin Zone Championship te, MLA Cup leh Tournament dangte buatsaih \hin a ni a, Aizawl District Football Club hnuaiah hian tun dinhmunah football club 80 an awm a ni.
