Hunthar Veng LLTF te hi tukin khan Aizawl atangin an chhuak a, heng khaw 5 VLTF hnenah hian Buhfai, Dal, Alu, Purunsen, Chini leh têl bakah pawisa fai engemawzat an pe a, an thil pek hi veng chhunga mi inphalte thawh khawm leh veng pawn mi, an veng chhunga dawr nei ten an thawh khawm atanga an lei a ni a, pick Up truck 2 leh car pakhatin an kal a ni.
Hunthar LLTF Chairman Tv. Lalhmangaiha Renthlei chuan, an veng chu veng hausa tak ni lo mah se, ramria duty-te rimzia leh an mawhphurhna pawimawhzia hriain an theih tawk pek ve chu an veng mipuite rilruah a awm avangin tanpuina hi pe an nih thu a sawi. Tanpuina pe-a fehchhuak tur te hi Hunthar Presbyterian Pastor Rev. CS Rila’n Pathian hnenah a hlan a ni.
