Aizawl Hunthar Vengah mihringa sumdawnna laka invendan tur chungchang mipuite zirtir an ni

0
267
views

Social Welfare Deptt. buatsaihin nizan khan Aizawl Hunthar Vengah mihringa sumdawnna laka invendan tur chungchang mipuite zirtir an ni. He inkhawm MHIP Hall-a neihah hian Social Welfare Deptt. Director, Pi Laldikkimi chuan mihringa sumdawnna awm do a \ul thu a sawi a, Social Justice & Development India Director, Pu Jimmy Lalthanmawia pawhin mihringa sumdawnna thleng \hin leh invendan bakah dik lo taka mihring sumdawnna atana hmangtute hremna dan awmte a sawi a, Protective Home Superintendent, Dr. R. Lalnunmawii chuan mihringa sumdawnna do tur chuan mit len rengtu tur Vigilance pawl din a \ul thu a sawi a ni. He inkhawmah hian Mizo \halai, Mizoram pawn leh India ram pawn, ramdanga hnathawk tura kal tam tak an awm thu te, chung zingah chuan Spa leh Beauty Parlour-a thawk tam tak an awm thu te, an thawhna dawr neituten an ngaihpawimawh ber chu sum tam zawk thawh chhuah a nih avangin dik lo taka inhmanna a awm theih thu te an sawi a, hna zawngten hnathawhna hmun a him tawk em tih te, dan anga phalna neia din an ni em tih te an hriatchian a ngai hmasa niin an sawi a ni. He inkhawmah hian Social Welfare Deptt. chuan tun hmalam khan hetiang hmun him lova thawk, chhanchhuah tawh Aizawl District mi 9, Kolasib District mi 3, Champhai District mi 3, Serchhip District mi 2, Lunglei leh Mamit District mi 1 ve ve bakah Churachanpur District mi 2 an lo chhanchhuak tawh niin an sawi a, an chhanchhuahna hmunte chu Chennai, Mumbai, Pune, Haryana leh Hyderabad te niin an sawi bawk.