Aizawl khawpui chhunga kawng chhe lai siam zui zel

0
401
views

Aizawl khawpui chhung kawng enkawltu leh viltu, Aizawl Road North leh South Division-te chuan Aizawl khawpui chhunga kawng chhe laite chu ngawrh takin an siam \ha zui zel. Aizawl Road South Division hian Kulikawn leh Ngaizel inkar, Kulikawn a\anga Hridaikawn kal tlanga Saikhamakawn panna, ITI Biak In bula kawng thar blacktop leh tun hnaia zawh tak Bungkawn kawng te an buaipui a, kar lehah chuan Mission Vengthlang kawn a\anga tlang huala kawng kal leh Tlawng kawng chung kawng te, Dawrpui Vengthar kawng peng \huam a\anga Dinthar kawn panna kawng te siam \hat a ni ang. PWD hotute hnen a\anga thu dawn danin heng kawngah te hian a khuar lai hnawh a nih bakah blacktop a ni a, kawng tlo nan seal coating pawh tih nghal zel a ni. Aizawl Road North Division pawhin Chanmari kawng a\anga Ramhlun Veng kal tlanga Bawngkawn kawng, Durtlang Leitan a\anga Durtlang damdawi in panna kawng, Leitan a\ang veka Aizawl Theological College panna kawng, Chanmari kawipui a\anga Lalsangliana Petrol Pump pawhtu kawng leh Vaivakawn a\anga Zohnuai kal tlanga Ropaiabawk kawng siam an siam mek bawk a ni.