Aizawl khawpui chhungah sorkar motor, mimal motor leh lirthei ke hnih nei chi zawng zawng an intlan chhawk tan

0
1244
views

Vawiin a\ang khan Aizawl khawpui chhungah sorkar motor, mimal motor leh lirthei ke hnih nei chi zawng zawng an intlan chhawk \an a. Hei hi Traffic Management Coordination Committee-in Aizawl khawpuia lirthei tawt lutuk tihziaawmna tura a en chhinna atana an ruahman a ni a, tun thla chhung hman phawt a ni dawn a ni. Traffic OC, Pu Lal\anpuia chuan, vawiin hi intlan chhawk \an ni a nih avangin dan bawhchhia man an awm nual niin a sawi a. An man zinga a tam zawk chu intlan chhawk tur a ni tih hre lo hrim hrim an ni a, vawiin hi sorkar chawlh a nih avangin, sorkar chawlhah tlan chhuah theih emaw ti an awm nual bawk niin a sawi. Dan bawhchhia an mante chu MV Act 179 hmanga man an ni a, cheng 400 chawitir nghal zel an ni tih a sawi bawk. Zonet zawhna chhangin Traffic OC chuan, lirthei intlan chhawk hian awmzia a nei dawn hle nia a hriat thu a sawi a. Vawiin hi sorkar chawlh a nih avangin motor tlan chhuak a tlem a, huai taka sawi ngam ni lo mah se, ni danga sorkar chawlh ai chuan lirthei tlan a tlem deuh nia a hriat thu leh, chhun dar 12 vel khan Chanmari West panna kawngah Car pakhat chhia-in Traffict a ti-jam deuh tih loh chu Aizawl khawpui pumah Traffic jam a awm mang lo niin a sawi. Traffic hotute chuan, lirthei intlan chhawk hi khauh zawka ken kawh a nih theih nan leh mipuiin an zawm theih nan naktuk a\ang chuan an tlan loh nia tlan chhuak lirthei an man reng reng chu Document kimchang nen lo chuan lak chhuah phal a ni tawh dawn lo niin an sawi a. Lirthei Document fel lote chu an tihfel hma loh chuan lak chhuah an phal dawn lo niin an sawi.

Lirtheite hi October ni 1 a\anga intlan chhawk \an tura tih ni mah se, tahrik ni 1, nimin kha Pathianni a nih avangin vawiin a\ang khan an intlan chhawk \an a, Aizawl khawpui chhung hmun hrang hrangah Traffic Police an duty a ni. Traffic Management Coordination Committee ruahman dan chuan, Pathianni tih loh, ni dang zawngah zing dar 8:30 a\anga tlai dar 6 thleng, lirtheite chu an lirthei number tawp bera number awm dan a zirin tlan theih loh ni an nei dawn a, number 1-a tawp chu ni 1, 11, 21 leh 31-ah an tlan chhuak thei lova, 2-a tawp chu ni 2, 12, leh 24 an tlan chhuak thei dawn lova, hetiang zel hian a dangte pawh an number tawp dan a zirin an ding \hin dawn a ni. Hei hian District dang leh state pawn Register, Private motor, Aizawl khawpui chhunga awm leh tlan lut turte pawh a huam a ni. Lirthei intlan chhawkna hian Governor, Chief Minister leh Assembly Speaker leh anmahni zuitute, mihring phur chi – City bus, Maxicab, Auto Rickshaw, zirna ina hman bus, Department bus leh Department lirthei ke hnih nei chi te, Police, Excise, damdawi ina duty Ambulance, mitthi phurhna motor, Magistrate duty, Media-a thawk MJA sticker bel te, PHE emergency duty, bawnghnute sem, chanchinbu sem, AMC bawlhhlawh paih motor, sipai leh paramilitary force motor te huam lova, Taxi-te chu an intlan chhawk dan pangngaiin an tlan chhunzawm dawn bawk.