Aizawl khawpuia mipuite chuan kum 2018 thlah liamin kumthar, 2019 lo thleng boruak \ha leh muanawm tak hnuaiah hlim takin an lawm a, Presbyterian Kohhran, Baptist Kohhran leh Salvation Army tam tak chuan kumthar ni kha Pathianni angin an hmang a, chawhma inkhawm banah thingpui ruai buatsaihin chawhnu lamah an zaikhawm a, Kohhran \henkhat kumthar nia a lawmna ruai \heh nghal an awm bawk a ni.

Presbyterian Kohhran chuan Synod ruahman angin kumthar ni chawhma inkhawm thupui atan ‘Hnung lama thil awmte theihnghilh a, hma lama thil awmte ban’ tih an hmang a, he thupui hmang hian Pathian thu hriltuten sermon an thlak a, zan lamah chuan ‘Lalpa nghaktute tan-chakna siam thar’ tih thupui hmangin Pathian thuchah ngaihthlak a ni.

Baptist Kohhran erawh chuan kumthar lawm niah thupui hran nei lovin a remchan dan angin Pathian thuchah sawituten thu an sawi a ni.

India Eastern Territory-a Chhandamna Sipai Pawl Corps leh Society engemawzatin kumthar ni khan ruai an \heh a, a tuka \heh engemawzat an awm bawk.

Roman Catholic Kohhran chuan kumthar ni kha an lo hman \hin dan angin Isua nu Mari chawimawina ni atan an hmang a, hetah hian Mass thianghlim, Lalpa Zanriah Kohhran hruaituten an \heh a, kumthar lawmna ruai pawh Kohhran tam takin an \heh a ni.

UPC Northeast India chuan thupui hran nei lovin kumthar ruai nen an lawm a, hetiang bawk hian UPC Mizoram pawhin kumthar ni khan a lawmna ruai an \heh a, a tuka nawn engemawzat an awm bawk.