Aizawl leh Lunglei District-a NCC lam thila hman tur Bolero motor pakhat ve ve Chief Minister-in hlan

0
350
views

Aizawl leh Lunglei District-a NCC lam thila hman tur Bolero motor pakhat ve ve Chief Minister, Pu Lal Thanhawla’n nimin khan National Cadet Corps NE Region Additional Director, Maj. General, Raju Chauhan hnenah a hlan. An inkawmnaah Chief Minister chuan NCC hotute chu Mizorama NCC ti chak tur leh Lungleia NCC Battalion din chungchang leh an office tur te a sawipui a, Sports & Youth Services Department nen hmalak ho tur niin a sawi a ni. Pu Lal Thanhawla chuan NCC chu \halaite kawng kaihhruaina pawimawh tak leh ram hmangaih tura inzirtirna \ha tak niin a sawi a ni. Lungleia NCC Lunglei Battalion din tur hian Mizoram chhim lam District pali, Serchhip, Lunglei, Lawngtlai leh Siaha a huam ang a, Cadet 3,520 an awm thei dawn a ni. A hlanna inkhawmah hian Principal Adviser to CM, Pu RL Rinawma, NCC Group Commander, Brig. SK Dey, Col. K.S. Dhindsa leh officer dangte an tel a ni.