Breaking News | Aizawl Mosque Committee-in thu chhuah; Tablighi Jamaat an thlawp lo, Mizoram aṭanga chhim an awm lo

0
857
views

Aizawl Mosque Committee leh Mizoram Muslim Welfare Society chuan vawiin khan thuchhuah siamin, state sorkar hmalakna leh state, district leh local level task force-te, CYMA leh NGO hrang hrang te leh Medical lama thawkte leh Police-te inpekna chu an thlamuanpui thu leh enkawltu ṭha tak neia an inhriat thu an sawi.

An thuchhuahah hian Committee leh Society-te chuan Tabliq Jammat punkhawmnaah Mizoram aṭanga kal an awm loh thu leh punkhawm chhimtu zingah Mizoram tlawh an awm loh tur thu an tarlang a, hei hi a chhan ber chu Mizorama awm muslim-te leh an pawl hrang hrangte hian Tabliq Jammat hi an thlawp loh thu leh hetiang ang punkhawm hi an remtih ngai loh thu an tarlang bawk a ni.

Aizawl Mosque hi a inkhar chhunzawm rih dawn a, an mi leh sa zawng zawng hnenah Mosque tlawh lo tur leh in lama ṭawngṭai zawk tura an hrilh ṭhin thu te leh, tun dinhmunah chuan Mizoram lo luh emaw, a awmsa te pawh state chhuahsan rih lo tura an inhriattir thu an tarlang bawk a, Covid-19 do kawngah ṭanrual a ngaih lehzual thu te leh, Sorkar leh Task Force thuneitute thu awih turin mipuite an chah bawk a, tunhnaiah state pawn aṭanga chawkluh thil man a san deuh avangin hnam dang sumdawngte pawhin thil a man to uchuaka hralh lo turin an chah bawk a ni.