Hemi puala inkhawm Aijal Club Lounge a buatsaih hi Councillor Pi Zohmingthangi’n a kaihruai a, Nl. Zonunsangi, Councillor-in lawmpuina thuziak hlanin Councillor Pu Vanlalruata’n an hmalakna te a report a ni.
Pu Lal Thanhawla chuan, chawimawina sang Doctor of Divinity chu a dawn phak turah pawh a ngaih ngai loh thu a sawi a, a dawng a hriatte pawh mi ropui tak te an ni hlawm tih sawiin a dawng zingah a tel chu mak a tih thu a sawi a, Pathianin a chungah thil ropui tak a tihsak a ni tih bak sawi tur a hriat loh thu sawiin Pathian \hat zia a lang chiang hle a ni” a ti.
Pu Lal Thanhawla hian Serampore college chu, India ram mai ni lo, Asia khawmualpuiah pawh Theological college upa ber pawl a nih thu a sawi a, affiliated college pawh 40 chuang zet an awm thu te, Theological College hlun leh Mizoten inzawmna nghet tak an nei ringawt pawh thil hlu tak nia a ngaih thu a sawi.
Pu Lal Thanhawla hi a nupui Pi Lalriliani bakah Congress Party Office Bearers leh hruaitu dangten an \awiawm a ni.
