Hnatlangpui hi Commerce & Industries Minister Dr R Lalthangliana’n Aizawl Bazarpuiah a hawng a, thu sawiin ram changkang leh hriselna lama ke pen nasa apiangin faina leh taksa tana \ha lo tur thianfai zawnga hmalak an uar tih a sawi a, Aizawlah damdawi dawr tam tak awm chu hriselna lama \anlak a la ngaihzia ti langtu a ni a ti. Dr R Lalthangliana chuan, ram chhung state khawpui hrang hrang Smart City atana a thlan zingah Aizawl a tel tih sawiin Smart City-in a tum chu khawpui felfai \ha neih a ni a, hemi atan hian sum pawh Sorkar laipuiin a ui lo a, National Green Tribunal-in kumin October 2 \angin Smart City-a thlan khawpuiah te plastic pan chi te hman a khap dawn tih a sawi.
Inkhawm kaihruaitu Mayor Pu PC Lalhmingthanga chuan mihring leh nungchate tan thil pawi thlen khawpin Mizoramah pawh plastic hman nasat a ni tawh tih an zirchiana a\angin an hmu tih a sawi a, Plastic hman tlem a nih theih nan theih tawpin hma an lak thu leh Kohhran leh pawl hrang hrangte pawh hmang tlem tura an lo ngen tawh thu sawiin No Plastic Exhibition pawh an lo buatsaih tawh thu a sawi.
AMC Commr. Dr H Lalthlangliana kaihhruaiin Plastic hman that loh zia midangte zirtir chhawng tur leh hmang lo turin kalkhawmten thu an tiam a, hemi hnu hian Bazar huam chhunga plastic bawlhhlawh te thenfai zui a ni.
Plastic bawlhhlawh chhar khawm hnatlangpui hi Aizawl khawpui chhunga Local Council 83 ten an huam chhung \heuhah an nei a, Zirna In leh Sorkar pisa hrang hrangah te hnatlang hi neih a ni bawk a, NSS Volunteer ten Airport Road, Chite Lui, Vai Lui leh Hnimtheilo lui-a plastic bawlhhlawhte an thianfai bawk
Plastic bawlhhlawh chhar khawmte hi Tuiriala bawlhhlawh sawngbawlna hmun-ah lak khawm a ni a, a tihral dan tur leh sawngbawl zel dan tur chu AMC in a la ngaihtuah dawn a ni.
AMC hian Plastic a\anga thil siam pan chi, 50 micron tling lo, Polythene bag leh a kaihhnawih ang chi te chu August ni 1 a\angkhian Aizawl khawpuiah a khap dawn a, hemi rual hian plastic a\anga siam thil dang dang pawh a tlem thei ang ber hmang tura mipuite an ngen a ni.
