Budget pharh paha thusawiin Pu Lalringliana chuan, AMC chu ULB dang te aia naupang tak ni mahse, hmasawnna tam tak a awm tawh tih a sawi a. A bikin Property Tax Aizawl mipui ten \ha taka an pek avang leh Aizawl khawpui tihhmasawnna tura AMC in hma a lakna hrang hrang-ah Local Council te \awiawmna \ha tak an dawn avanga lawmawm a tih thu sawiin sorkarin tunhnaiah Councillorte ham\hatna a pek belh thu a sawi a ni.
He Budget pharh tak hi naktuk sawiho-a pass tum a ni ang.
Vawiin a BOC Meeting-ah hian Aizawl khawpui Plastic Free a nih theihna tura Plastic Free Committee rawtna hrang hrang a siam te sawiho a ni a, kumin August thlaah Plastic Free City Khuhhawnna neih ni se an ti a. Sorkar laipui duhdanin October ni 2 a\angin Aizawl khawpuiah Plastic lam chi khapna dan hman an remti a ni.
BOC Meeting hi Mayor Pu PC Lalhmingthanga’n a kaihruai a, Pu C.L Ruala MP Lok Sabha chu Appointed Councillor a nih angin a tel a ni.
