Mayor Pu PC Lalhmingthanga chuan, AMC in khawpui faina tura hma a lakna kawngah bawlhlawh thliar hrang tura Local Council te hmalakna chu \awiawm turin mipuite a ngen a, kumin ram zalenna ni champha lawmnaa Prime Minister Narendra Modi-a’n Plastic lam chi 50 micron tling lo leh vawi khat hmana paih nghal chi te khap a nih tur thu a sawi chu Aizawl khawpuiah pawh chak zawka bawhzui a ni dawn tih a sawi a, Plastic avanga harsatna khawvelin a tawng mek a, hemi sukiang tura hmalakna chu a hlawhtlin theih nan mipuite thawh ho puiah a sawm a ni.
Republic Vengthlang chu veng fai berah thlan a ni a, Pisa fai berah Principal General Accountant thlan a ni a, sorkar enkawl Primary school fai berah Rev. Thianga Primary School Bethlehem vengthlang thlan a ni. Middle school ah ITI Govt. Middle School pakhatna a ni a, Govt. higner Secondary School fai berah Govt. KVM High School Chhinga veng thlan a ni bawk. Lawmman dawngtute hi thuziak leh tangkafai hlan an ni.
