Plastic Free chungchang sawifiahtu AMC Plastic Free City Committee Chairman Pu Lalhmingmawia Councillor chuan, ramchhunga Smart city a thlan zingah Aizawl a tel avangin plastic free chu kalpui tum a nih thu a sawi a, plastic a\anga thilsiam te chu mihring hriselna atan a \hat loh bakah ram leilung tichhetu a nih avangin hman tlem a ngai a, plastic a\anga thil siam chhuah danin a phal chin ni lo te chu khap a ni dawn a ni a ti.
Pu Lalhmingmawia chuan ei tur semna atana hman tlanglawn tak Thermocol chu mihring hriselna atan a tha lo hle tih a sawi a, thil lum lam dah a nihin amaha chemical awm mitlawnga hmuh tham loh chu chhuakin ei tel a ni \hin a, hriselna nasa tak a khawih pawi thei a ni a ti.
Pu Lalhmingmawia chuan, Plastic Free hi vawi leh khata kalpui thut anih chuan mipuiin an zawh loh an hlauh avangin thla thar ni 1 a\angin a enchhinna anga kalpui a ni dawn a, October ni 2 atang chuan khap bur a ni dawn a ni a ti.
