Aizawl Municipal Corporation in phalna neilova insa 400 chuang an hmuchhuak tawh. AMC Commr. Dr H Lalthlangliana’n ZONET a hrilh danin AMC hian April thla tir a\ang khan AMC huamchhungah phalna nei lova insa an awm leh awm loh a endik \an a, AMC a\anga phalna nei lova in sa an man chhuahte chu thawk chhunzawm rih lo tura hrilhin an inchinfel theihna turin tun thla ni 11 hian Special Clinic siam sak an ni dawn a ni. Dr. H Lalthlangliana chuan Special Clinic an siam hunah lehkha pawimawh kengkim te chu an chawi ngai te chawitir an nih hnuah permit pawh pek nghal zel an ni dawn tih sawiin, danin a phut tlin zo lo te erawh in sak chhunzawm phalsak an ni dawn lo tih a sawi a, phalna nei lova in sa an awm leh awm loh hi an endik chhunzawm zel dawn tih a sawi bawk.
