Aizawl Press Club kawta an mahni thlahna inkhawmah AMC Commissioner, Dr. H. Lalthlangliana chuan, India rama smart city za thlanchhuah zingah Aizawl khawpui pawh a tel thu sawiin, heng smart city-te hi sorkar laipuiin Plastic Free City a puan vek tura a tih angin Aizawl-ah pawh kumin August 1, atangin polythene leh plastic danin a phal loh chinte hman leh zawrh khap tan a nih tur thu a sawi. Goa khawpuia plastic leh polythene khap a nih dante zirchiang tura kalte hi MJA member mi 9 an ni a, heng mite hi Goa-a municipal corporation hotuten an lo dawngsawng dawn a, ruahman lawk ang chuan June 2-ah Aizawl an lo let leh dawn a ni.
