Aizawl Ramhlun North-a St. Joseph Higher Secondary School-in kumin HSSLC leh HSLC exam-a an result lawmna leh an Annual Sports kharna hun Hrangbana College Golden Hall-ah vawiin khan an hmang

0
454
views

Aizawl Ramhlun North-a St. Joseph Higher Secondary School-in kumin HSSLC leh HSLC exam-a an result lawmna leh an Annual Sports kharna hun Hrangbana College Golden Hall-ah vawiin khan an hmang.

He hun hmanpuitu UD&PA Minister, Pu Zodintluanga chuan zirlaite chu smartphone an hman danah fimkhur tur leh hman dan tawk thiam turin a fuih a, zirlai nih lai a\angin rilru nghet leh rinawm a \ul a ni a ti. Thusawitu dang Pu Vanneihtluanga chuan zirlaite chu ram nghahfak an ni tih sawiin taihmakna leh tumruhna nena an zirlaite uluk taka zir turin a fuih a ni. He inkhawm LIKBK General Secretary, Rev. C. Hrangzuala kaihhruaiah hian zirlai ti \ha zual, top ten-a lang leh topper te chawimawiin, tangkafai leh thuziak hlan an ni.
St. Joseph Higher Secondary School a\ang hian kumina HSLC leh HSSLC exam beitu zirlai 335 an awm a, an vaiin an pass vek a, HSLC result ah top 10-ah pathum an lang a, HSSLC examah Commerce Subject-ah pakhatna, pathumna, palina, parukna, pasarihna leh pakuana an hauh a, Arts Stream-ah pakuana an hauh bawk.