Aizawl South II MNF Block-in Kulikawn YMA Hall-a Campaign hawnna neih paha Block Conference an neih chu MNF Vice President, Dr. R. Lalthangliana’n a hmanpui a. Tuna Mizoram boruak awm dan leh mipui sukthlek a\angin MNF chuan Sorkar turin hun \ha tak an nei niin a sawi.

0
273
views

 

Dr R Lalthangliana chuan nikum krismas dawna krismas leh kumthar lawmna thawhlawm an thawh chu eptu pawl ni chunga thawhlawm an thawh hnuhnung ber an ni tawh dawn nia sawiin, kumina krismas leh kumthar thawhlawm an thawh tur chu sorkar-na chelh chunga an thawh a ni tawh dawn niin a sawi. Dr. R. Lalthangliana chuan, Aizawl South II chu MNF pian chhuahna hmun a ni tih sawiin, khatihlai khan Tuikhuahtlanga Pu Laldenga in-ah khawvel ngaiah miropui ni lo te te kalkhawmin MNF hi an din a ni a, hetiang chiah hian tunah pawh Aizawl South II chu MNF din chhuah lehna atana bul\anna a ni dawn niin a sawi a. An Party-in thuneihna a chan hunah chuan hmeichhiate dinhmun chgawikang tura hmalak a ni dawn a, hemi atan hian SEDP hnuaiah ruahmanna siam sa vek a ni tih sawiin, kawng hrang hranga mipuiten hma an sawn theih nan \anlak a ni dawn tih a sawi.

MNF General Secretary, Pu Lalruatkima MLA pawhin, MNF chu Pathian leh kan ram tan titu Party an nih angin, hnam pasal\hate kha an hre reng a, an tan thil tihtheih nei tam lo mah se, an party chuan an inpeknate a ngaihlu hle tih sawiin, hun kal tawhah an tu leh fate leh an nupui fanaute an lo ngaihsak tawk lo deuh a nih pawhin ngaihdam an dil tih a sawi a. Tun hnu zelah chuan an tan tihtheih an nei a nih chuan theihtawp chhuah an inhuam thu a sawi. Pu Lalruatkima chuan, MNF leh BJP chu inthlan zawhah thawk ho tur ang thu thehdarh awm leh hemi lam hawi thuziak Vanglaini chanchinbua chhuak chu thil dik lo a ni tih sawiin, an Party chuan thawhpui neih kher ngai lova Party mala sorkar siam chu an thil tum ber a ni, a ti.

He inkhawm hi Aizawl South II MNF Block President, Pi Vanlalrengpuii’n a kaihruai a, he biala MNF Ticket-a ding tur, Pu Denghmingthanga pawhin thusawiin, zu zuar sorkar thlak turin Pathianin MNF chu a siam mek tih sawiin, an Party mite chu Pathian hnena lawm thu sawi chung zela thawk turin a chah a. An party zawm thar mi engemawzat chu Pu Denghmingthanga hian a lawmlut a ni.