Aizawl Tlangnuam Venga Mary Mount School-in an dinchampha vawi 50 na, Golden Jubilee chu vawiin khan an lawm a, a hmanpuitu Education Minister Pu Lalchhandama Ralte chuan zirna chu kawng tinrenga hmasawnna thlentu a nih angin, zo nun zemawi, aia upa zah leh tlawmngaihnate inzirtir uar zel \ul a tih thu a sawi.

Pu Lalchhandama Ralte chuan, ram leh hnam siam \hatna atan zirna-a \hanharh chu thil pawimawh ber a ni a ti a, khawtlang leh vantlang nunah zirna hian dinhmun pawimawh a chan a ngai a, zirnain a tum, kawng engkima hmasawn tih chu a taka a thlen zel theih nan thiamna leh zo nun mawi kalkawptir a pawimawh a ni a ti.

Mary Mount School Golden Jubilee lawmnaah hian Aizawl Bishop Most Rev Stephen Rotluanga leh Catholic Kohhran hotu pawimawhte an tel a. Mary Mount School hi kum 1969 khan Bethany Educational Society, Mangalore ten an din a, a tirah zirlai 30 an awm a, tun dinhmunah zirlai 1700 leh zirtirtu 50 an awm a ni.