MNF Candidate Pu Zothantluanga hian vote 12309 a hmuh laiin amah hnaih bertu Congress leh ZPM thlawp Independent candidate Pu Lalbuanga Sailo chuan vote 5274 a hmu a, an inthlauhna hi vote sangsarih chuang a ni a, he biala independent-a ding Zoramthar pawl hotupa Rev. Dr. Zaichhawna Hlawndo chuan vote 443 a hmu a ni.
Aizawl West-I Assembly bial hi nikum kum tawp Assembly inthlanpuia ZPM hotu Pu Lalduhoma tlinna bial pakhat zawk a ni a, Pu Lalduhoma hian Serchhip bial a vawn zui avangin West-I bial ah hian bye election neih a ni. He biala MNF in hnehna a chan leh takah hian Mizoram Assembly ah chuan MNF hian member 27 a nei dawn ta a ni.
