Lungver-a 5th IR Battalion hmuna awm Natioan Disaster Response Force mi 31 zinga 26-in Covid 19 hri an kai tih hmuhchhuah a nih tawh avangin Lungverh mipuite thlabar takin an awm mek a. Heng mite hi bialtu MLA, Manpower Development Vice Chairman nibawk, Pu Zothantluanga’n tlawhin, tuna Lungverh-a la awm mek NDRF mi leh sate chu hmun danga sawn chhuak tura khawtlang mipuite ngenna chu tihhlawhtlin a nih theih nan a theih ang anga hma a lak thu khawtlang hruaitute a hrilh a ni.
Pu Valtea’n Lungverh a tlawhnaah hian Aizawl Addl. DC leh Doctor-ten an tawiawm a. Lungverh khawtlang hnenah hian Buhfai, Alu, Dal, Purun Sen leh Tel a pek bakah, Hmai tuamna leh hri thahna hlo engemaw zat a pe a ni.
West I bialtu MLA hian,tun hnaia ruah sur nasa vanga Luangmual-a leimin-in harsatna a thlen chu Pathianni khan tlawh a, Luangmual khawtlang hruaitute hnenah Silpauline 10 a pe a ni.
