Vawiina MPCC hruaituten CEO, Pu Ashish Kundra hmuh an tum lai hian CEO chu a buai deuh avangin an lut lawk thei lova, meeting an neih zawhah CEO hian a room a chhuahsan zui nghal avangin Congress party hruaitute hi an lawm lo hle a, lungawi lohna an thlenna thuziak chu a personal assistant hnenah an hlan a ni. Hemi hmaa thuthar lakhawmtute zawhna chhangin, MPCC General Secretary, K. Lianzuala chuan an candidate sawi chhiatna thuziak thehdarh chu party pakhat mangang thil tih nia an hriat thu a sawi.
