ZPM Gen Hqrs thuchhuah tarlan danin, Pu Lalduhoma hian khawi bial nge a luah zui dawn tih thu-ah Mizoram Legislative Assembly inkaihhruaina danin ‘Official-a result puan ni a\anga ni 10 chhung ngeia thlan fel tur’ tiin hun a bithliah a, heng MLA bial 2-a ZPM Block hruaitute chuan a bial luah zui tur rel fel hna hi General Hqrs. hotute kutah an dah a, ZPM Caucus nimina \hukhawm chuan Zoram Politics kal chhoh zel dan turte ngun taka ngaihtuahin Pu Lalduhoma hian Serchhip bial hi luah zui rawh se tiin thutlukna a siam a ni.
ZPM Gen. Hqrs chuan ZPM Caucus thutlukna siam chungchangah hian, duhsak taka Pu Lalduhoma lo thlangtlingtu Aizawl West-I mipui zawng zawngte hnenah inthlahrung tak chungin an hriatthiamna sang ber an ngen tih an sawi.
Hetianga Pu Lalduhoma’n Aizawl West-I bial a chhuahsan dawn takah hian he bialah hian thla 6 chhungin, inthlan \hatna buatsaih a \ul dawn a, ZPM Caucus Secretary Dr Keneth Chawngliana chuan Zonet zawhna chhangin, by election lo awm turah \anho dan tur ngaihtuaha Congress party nena inbiakna a la awm lo tih a sawi a, Congress party lamin inbiak theih dan tur a awm em tia ZPM chu an biak r^wn tawh ngei thu nemnghetin, hetianga Congress in an biak lai hian Pu Lalduhoma chhuahsan tur bial pawh rel fel a la ni lo a, by election-a thawhho chungchang chu ZPM chuan a la ngaituah lo hrim hrim a ni a ti.
