He kawng kawngchhuat hi a chhiat tawh avang leh lirthei tlan a tam avangin tihzau theih dan turte an en a, kawngchhuat siam a tlo zawk nan RCC hmanga siam an rawt bakah nakkum January thla tira hmalak a nih theih nan PWD hotute chu hma lo la turin Minister hian a hrilh nghal a ni. Hei bakah hian Dinthar Venga Hipheia Road pawh Minister hian tlawh nghalin he kawng hi kea kalten harsatna an tawh nasat thu a bula awmten an sawi a, kawng siam danin mimal in tan harsatna a thlen dan te an enho nghal a, hmalak zui dan tur chu Minister hova PWD hotute leh khawtlang hruaitute nen sawiho leh turin an dah a ni.
