Aizawl West III bialtu MLA, Pu VL. Zaithanzama’n Mizoramin hruaitu \ha a neih loh \hin vangin ramri a him lo a, hei vang hian hnam leh sakhuana thlengin a nghing mek a, kil tin a\anga beitu a hneh loh zel avangin tuna a dinhmun dik tak hi hriatchian a ngai hle a ni, a ti.

0
215
views

Vawiina ZPM Party Pisa-a inkhawma thu a sawiah Pu VL Zaithanzama chuan, kohhran hrang hrangin kum kalta chhung an member te thih dan an tarlanah mipa thi zat 90 zelah hmeichhia 10 thi ang a ni a, hei hian hnam a him loh zia a tarlang chiang hle a ni, a ti. Heng zawng zawng lo thlennaa mawhphurtu chu ram hruaitute an ni a, Pathian \ihna tak tak nei lo leh hruaitu tha loin ram an hruai vang nia sawiin, Mizoram leh hnam a lo dam lehna tur chuan ram hruaitu \ha, Pathian \ih mi thlan chhuah a hun tawh niin a sawi.

Pu VL. Zaithanzama chuan, Pathianin ram \ha tak min peka awm sa hnual suat a, a aia \hat zawkna awm chuang lo tur leh \hatpui chuan loh tur ram dang a\anga lak luh an ching \hin chu sim a, intihhmuh zui loh a pawimawh tak zet tih a sawi. CADC Area chhungah a ram neitu leilung fate ngeiin In hmun lo ram an nei ve thei ta mang lo chuan a rilru a nih nat thu sawiin, Aizawl West III bialtu MLA chuan, Mizoram leh Hnam, leh sakhuana humhim turin Central duh dan kher zawm a \ul lo a, ram neitu an nihna vawng nung turin huaisen taka din ngam a \ul takzet tih a sawi.

ZPM chhung inkhawm hi General Secretary, Pu R. Malsawmtluanga’n a kaihruai a, Ukil rual ZPM zawm thar mi 13-te lawmluh an ni.