Aizawl Zotlang a Mara Student Boys hostel leh Chawlhhmuna Girls Hostel sak mek chu MADC-a PWD hotute leh MSO Jt. Hqrs. Aizawl hruaituten vawiin khan an tlawh a, Building sak zawh hun atana hun tiam ral tawh hnu pawha tun thlenga sak zawh a la ni lo chu pawi an tih thu sawiin, a rang thei ang bera zo thuai turin contractor te an hrilh a ni. MSO Jt. Hqrs. thuchhuah tarlan danin tun dinhmunah Hostel Building hi zaa 80 vel zawh a ni tawh a, tunhnaia Mizoram leh Assam ramri buaina avangin boys hostel satu Vai Mistiri te an ram lamah an hawn vek avangin hnathawktu an awm lo a, Girls hostel satu pawh an tam tawk loh avangin hnathawktu lak belh thuai turin PWD hotute hian contractor chu an hriattir nghal a, April thla chhunga luah theiha hawn a nih ngei theih nan MADC a thuneitute pawh hma la turin MSO chuan an ngen a ni.
