Aizawla lirthei intlan chhawk chu khauh tak ken kawh zel a ni

0
533
views

Traffic Management Coordination Committee thuchhuak anga Aizawla lirthei intlan chhawk chu khauh tak ken kawh zel a ni a. Traffic hotute hnen a\anga Zonet thu dawn danin, lirthei intlanchhawk \an ni, Thawh\anni khan tlan theih loh nia tlan chhuak, mi 518 an man a, nimin khan mi 71 man leh an ni a, vawiin pawh khan eng emaw zat man leh an ni bawk a, heng an mi mante hi cheng 500 chawitir nghal zel an ni. Zonet zawhna chhangin Traffic hotute chuan, lirthei intlan chhawk avang hian Aizawl khawpui chu a thawl phah deuh nia an hriat thu leh, sorkar pisa kai hun lai phei chuan nasa takin a thawl phah nia an hriat thu an sawi a. Lirthei intlan chhawk hma kha chuan Traffic Jam tireh turin hun a duh rei \hin a, tunah chuan Traffic a jam pawhin chin fel a awlsam tawh nia sawiin, niminah khan khawpui chhungah Motor chhia pahnih a awm a, hei hian Traffic a tibuai deuh tih loh chu intlan chhawk hnuah Traffic tawt lutuk avanga harsatna thleng a awm rih lo niin an sawi. Puan tawh angin Traffic Management Coordination Committee thuchhuak angin Thawh\anni a\ang khan Aizawl khawpui chhungah sorkar motor, mimal motor leh lirthei ke hnih nei chi zawng zawng an intlan chhawk \an a, hei hi Aizawl khawpuia lirthei tawt lutuk tihziaawmna tura a en chhinna, tun thla chhung atana tih a ni.