Cement leh Iron Rod zuarte thil phut chungchang hi Company hotute nen vawiin khan an sawi hova, an inbiaknaah hian inremna an siam theih loh avangin an thil phut nawr nan a \ul anga hmalak chhunzawm zel an tum tih an pawl Secretary, Pu Henry Lalbiakzinga’n Zonet a hrilh.
Puan tawh \hin angin Cement Company 3- Dalmia, Star leh Topcem Cement-in tun hnaia rate an tihsan chu tihniam leh turin Mizorama Cement leh Iron Rod zuartuten an ngen a, an ngenna hian awmzia a neih loh avangin an lo rel lawk tawh angin vawiin khan Mizoram hmun hrang hrang Cement and Iron Rod zawrhna dawr hrang hrangte khar a ni a, an pawl hruaitute chuan an hmalakna hian awmzia a neih theih loh avangin nikum lama Cement rate chungchanga hma lo la tawh tu Mizo Students Union nen \angkawpa a \ul anga hmalak chhunzawm zel an tum tih an sawi a ni. Tunah hian Mizoram pumah Cement leh Iron Rod zawrhna dawr 132 vel a awm mek a ni.
